Hadisə Kürdəmir Region

Kürdəmirdə narkotacir tutuldu – VİDEO

Kürdəmir Rayon Polis Şöbəsinə rayonun Sığırlı kənd sakininin qanunsuz olaraq narkotik vasitələrdən istifadə etməsi və yaşadığı evdə saxlaması, daşıması, habelə evinin həyətində tərkibində narkotik maddələr olan bitkiləri kultivasiya etməsi barədə məlumat daxil olub.

Aranxeber xəbər verir ki, keçirilən əməliyyat tədbiri ilə əvvəllər məhkum olunmuş Balaş Nəhmədov saxlanılıb.

Polis əməkdaşları Balaş Nəhmədovun yaşadığı evə baxış keçirib. Oradan 77 ədəd ümumi çəkisi 15 kq olan çətənə bitkisi aşkar olunaraq, maddi sübut kimi götürülüb. 

Polis əməkdaşları Balaş Nəhmədovu saxlayaraq şöbəyə gətirib. İlkin dindirmə zamanı o, etdiyi cinayət əməlini etiraf edib.

Faktla bağlı Kürdəmir Rayon Polis Şöbəsində cinayət işi açılıb, araşdırma aparılır.