Baş Hadisə Region Sabirabad

Sabirabadda itkin düşən adam hələ də axtarılır

Fövqəladə Hallar Nazirliyinin (FHN) “112” qaynar telefon xəttinə, Kür çayının Sabirabad rayonu, Cavad kəndi ərazisindən keçən hissəsində 1976-cı il təvəllüdlü Abbasov Ziyad İsfəndiyar oğlunun batması barədə məlumat daxil olub.

Aranxeber Nazirliyə istinadən xəbər verir ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Qeyd edək ki, Sabirabad rayonunun Əsədli kənd sakini, 1976-cı il təvəllüdlü Abbasov Ziyad İsfəndiyar oğlu ötən gün saat 16:00 radələrində itkin düşdüyü barədə Sabirabad polisinə müraciət edilib. Yaxınları onun özünü Kür çayına atmasını istisna etmir.

Faktla bağlı araşdırma aparılır.