Təhsil

Universitet seçimi edərkən bunlara diqqət edilməlidir-ÇOX VACİB

Universitet imtahanlarının bitməsinə və ixtisas seçiminə 1 aydan az vaxt qalıb. Doğru universitet, yəni gələcəyiniz üçün doğru qərar vermə zamanı başlayacaq. Yaxşı universitet seçmək, məzun olmaq, uğurlu tələbəlik demək olar ki, əksər tələbənin arzusudur.  Universitet daxil olmaqla, bütün təhsil həyatı boyu şagirdlərin həyatını onlardan daha yaxından izləyən və narahat olan onların valideynləridir. Universitetə qədər olan seçimlər nisbətən asan mərhələdir. Bəs universitet seçimində nələrə diqqət edilməlidir? Gələcəyiniz üçün doğru universiteti bu suallar əsasında seçə bilərsiniz:

1.Pedaqoji heyəti

Universitetin təhsil səviyyəsini öyrənmək üçün portaldan professor-müəllim heyətinin siyahısına baxmaq olar. Xüsusən də istədiyiniz fakültə üzrə axtarış edə bilərsiniz

2.Məzunların uğurları və ya daha sonrakı fəaliyyəti

Əgər həmin univeristetin məzunlarını tapıb məsləhət ala bilsəniz çox faydasını görəcəksiniz. Günümüzdə bütün şirkətlərin iş təcrübəsi əsasında işçi götürdükləri məlumdur. Bəzi universitetlər iş təcrübəsini elə dərs müddətindən hesablayır. Müxtəlif ixtisaslar üzrə təhsil alanlar müəyyən praktiki şirkətlərə yönəldilir və nəticə də universitet bitəndə hazır kadr olaraq iş həyatına atıla bilirlər.

  1. Mavi diplom

Son illərdə məzunlar xaricdə çalışmağa üstünlük verirlər. Bunun üçün dünyanın müxtəlif ölkələrində tanınan diplomu əldə etmək lazımdır.

  1. Yataqxana imkanı

Bir çoxumuzun ən son diqqət etdiyi məqam budur. Dərsə vaxtında qatılmaq və axşam saatlarında tıxaclarda vaxt itirməmək üçün universitetin yaxınlığında məskunlaşmaq böyük şansdır.